Foto: Foto:

Stadsbeek

Kabbelend löp temet de stadsbeek
Veurwaards deur De Brake doar
Git dan richting noa de Regge
Mar zeen water is schoone en kloar

Waant vanof het Hoge Diekiej
Kump hee doar dan boam de grond
Röstig kabbelend as ne bargbeek
Woar hee in de Regge mond.

Vrogger leup doar ok ne beekje
Mar arg schone was den neet
Den wödt temet dan uut ebaggerd
Krig ne oever met ok reet.

Mooie beplanting op zeen oevers
Waandeln ko'j dan laanks de beek
Ruusen löp't water oawer stenen
Zo det hee op ne bargbeek leek.

Bewoners hebt temet drie brugn
Natte veut krieg ziej neet
Met ne spölplaats veur de keander
Diej heur weg ok doar we weet.

De Brake git de stadbeek heetn
Trots bint wiekbewoners doarop
Woongenot doar an de Regge
Woar heur mooie stadsbeek löp.

Meer berichten